ქრისტე ამ სიტყვებით გვეუბნება, რომ როგორც მარილი ინახავს საჭმელს წახდენისაგან, ასევე თქვენც უნდა დაიცვათ ქვეყანა ცოდვის ბოროტებისაგან ჩემი მხსნელი სწავლებით, თქვენი ლოცვითა და წმიდა ცხოვრების მაგალითით. სხვები თქვენით უნდა გამოსწორდნენ და გახდნენ უკეთესნი. მაგრამ, თუ თქვენ თავად არ გამოსწორდებით და ჩაცვივდებით დაბრკოლებებში, მაშინ თქვენთან ერთად დაიღუპებიან ისინიც. უკეთუ მარილი იგი განჰქარდეს, რაითამე დაიმარილოს? თუ მასწავლებელი გონიერებას დაჰკარგავს, თუ იგი ვეღარ შესძლებს სწავლებას, მხილებასა და გამოსწორებას, და გაზარმაცდება, მაშინ როგორღა გამართლდებიან მოწაფენი? თუ თქვენ, ჩემი მოწაფენი, დაჰკარგავთ ჩემს მადლს, მაშინ რაღა განგამტკიცებთ?

.

მათე 5

[13.] თქვენა ხართ მარილი მიწისა: და თუ მარილი გამტკნარდა (გაუგემურდა, ძალა დაკარგა), რიღათი დაამარილებ? აღარად ვარგა, თუ არა გადასაყრელად და კაცთა მიერ ფეხით სათელად.

.

მარკოზი 9

50. კარგი რამ არის მარილი; მაგრამ თუ მარილი უმარილო გახდა, რაღათი შეანელებთ მას? გქონდეთ მარილი თქვენში და მშვიდობით იყავით ერთმანეთს შორის.

.

ლუკა 14

[34.] კარგი რამ არის მარილი. მაგრამ თუ მარილი გამტკნარდა, რაღათი დაამარილებ?

[35.] აღარც სამიწედ ვარგა და აღარც სანეხვედ, არამედ - მხოლოდ გადასაყრელად. ვისაც ყური აქვს სმენად. ისმინოს!

.

- ქრისტიანები ამ მუხლების წაკითხვისას ფიქრობენ, რომ საუბარია ხსნის, მადლის დაკარგვაზე. სინამდვილეში ეს ასე არაა.

.

- თუ წავიკითხავთ შემდგომ მუხლებს, ვნახავთ, რომ ქრისტეს მორწმუნენი არა მხოლოდ მარილნი არიან ქვეყნისა, ასევე ნათელნიც:

მათე 5

14. თქვენა ხართ ნათელი ქვეყნისა. ვერ დაიმალება ქალაქი, მთის მწვერვალზე გაშენებული.

15. როდესაც ანთებენ სანთელს, საწყაოს ქვეშ კი არ დგამენ, არამედ სასანთლეზე, და უნათებს ყველა შინ მყოფს.

16. დაე, ასევე ნათობდეს თქვენი ნათელი კაცთა წინაშე, რათა ისინი ხედავდნენ თქვენს კეთილ საქმეებს და ადიდებდნენ მამას თქვენსას ზეციერს.

.

- უმარილობა არ ნიშნავს ხსნის დაკარგვას, არამედ გავლენის დაკარგვას. იესო ამბობს, რომ მისი მოწაფეები გავლენას მოახდენენ ქვეყნიერებაზე.

.

- ყურადღება მიაქციეთ იმასაც, რომ იმ დროს ქრისტეს მოწაფეები ჯერ კიდევ არ იყვნენ დახსნილნი, რადგან ქრისტე არ იყო ასული ჯვარზე.

.

- ამასთან, ნურც ის შეგაშინებთ, რომ ხართ ძალადაკარგული მარილი და მიწაზემოგფენენ, რადგან მაწაზე მოფენილიც სასარგებლო ხართ. - როგორ? მარილს ფენენ ისეთ ადგილებში,სადაც არ სურთ სარეველები გავრცელდეს. თქვენ იცით, რომ სარეველები დათესილია ეშმაკისგან - მათ.13,25. ნუ იფიქრებთ სრულიად უსარგებლონი ხართ ღმერთისთვის, თუნდაც მხოლოდ იმისთვის, რომ იგი გიწოდებთ მარილს ქვეყნისა. თქვენ აცილებთ მიწას სარეველებს. იყავით კურთხეულნი!