ინ.14,6.[13.14]; 15,7.16; 16,23.24; 1ინ.3,22.23; 5,14.15 ეფ.2,18; 3,12.20 ებრ.7,25

ბიბლიის მუხლები

იოანე 14

6. უთხრა მას იესომ: მე ვარ გზა , ჭეშმარიტება და სიცოცხლე; ვერავინ მივა მამაჩემთან, თუ არა ჩემს მიერ.

13. რასაც ითხოვთ ჩემი სახელით, შეგისრულებთ, რათა იდიდოს მამა ძის მიერ.

14. რაც უნდა მთხოვოთ ჩემი სახელით, შეგისრულებთ.

იოანე 15

7. თუ დარჩებით ჩემში და ჩემი სიტყვები დარჩება თქვენში, ყველაფერი, რასაც ისურვებთ, ითხოვეთ და გექნებათ.

16. თქვენ კი არ აგირჩევივართ, არამედ მე აგირჩიეთ და დაგიდგინეთ, რათა წახვიდეთ და ნაყოფი გამოიღოთ, და დარჩეს თქვენი ნაყოფი; რათა მამამ მოგცეთ ის, რასაც ჩემი სახელით სთხოვთ.

იოანე 16

23. ხოლო იმ დღეს ნურაფერს მკითხავთ; ჭეშმარიტად, ჭეშმარიტად გეუბნებით თქვენ: რაც უნდა სთხოვოთ მამას ჩემი სახელით, მოგცემთ თქვენ.

24. აქამდე არაფერი გითხოვიათ ჩემი სახელით; ითხოვეთ და მიიღებთ, რათა სრულ იყოს თქვენი სიხარული.

26. იმ დღეს შესთხოვთ ჩემი სახელით, და არ გეუბნებით, რომ მე ვთხოვ მამას თქვენთვის.

1იოანე 3

22. ამიტომ, რასაც ვითხოვთ, მივიღებთ მისგან, ვინაიდან ვიმარხავთ მის მცნებებს და ისე ვიქცევით, როგორც მას მოსწონს.

23. მისი მცნება კი ისაა, რომ გვწამდეს მისი ძის იესო ქრისტეს სახელით და, როგორც გვამცნო, გვიყვარდეს ერთმანეთი.

1იოანე 5

14. და ისეთი კადნიერნი ვართ მის მიმართ, რომ, თუ ისე ვთხოვთ რამეს, როგორც მას ნებავს, კიდევაც გვისმენს.

15. და რაკი ვიცით, რომ რაც უნდა ვთხოვოთ, შეისმენს ჩვენსას, ისიც ვიცით, რომ გვექნება ყველაფერი, რაც ვთხოვეთ.

ეფესელთა 2

18. რადგანაც მისი მეოხებით ორივენი ერთი სულით მივეახლებით მამას.

ეფესელთა 3

12. ვისითაც გვაქვს სიმტკიცე და სასოება მისდამი მიახლებისა რწმენით.

20. ხოლო მას, ვისაც ჩვენში მოქმედი ძალით განუზომლად მეტის ქმნა ძალუძს, ვიდრე ჩვენ ვთხოვთ, ანდა გვგონია,

ებრაელთა 7

25. ამიტომაც ძალუძს სრულიად იხსნას ყველა, ვინც მისი მეოხებით მიეახლება ღმერთს, რადგანაც მარად ცოცხალია მათდა მეოხად.

__თემაზე წერდნენ__

***

აშშ სამოქალაქო ომის დროს ერთმა ახალგაზრდამ ბრძოლის ველზე დაინახა თავისი მეგობარი დაჭრილებს შორის. აშკარა იყო დიდხანს ვერ იცოცხლებდა. დაიხარა, გაუსწორა სხეული, თავისი მათარიდან დაალევინა წყალი. მოსწმინდა სისხლი სახიდან და ჰკითხა: "კიდევ ხომ არაფერი გსურს შეგისრულო, ჩარლი?"

გატანჯულმა, მომაკვდავმა ახალგაზრდამ იგრძნო რა აღსასრული გაიხსენა თავისიანები და უთხრა: "კი. თუ მოგეძევება ქაღალდის ნაგლეჯი და დამიწერ წერილს მამაჩემთან, ვფიქრობ მექნება საიმისო ძალა, რომ ხელი მოვაწერო. მამაჩემი ცნობილი მოსამართლეა ჩრდილოეთის შტატში და თუ შენ მიუტან მას ამ წერილს იგი დაგეხმარება".

აი ის წერილი: "ძვირფასო მამა! მე ვკვდები ბრძოლის ველზე და ერთი ჩემი მეგობარი მიწევს დახმარებას. თუ იგი ოდესმე მოვა შენთან, იყავი კეთილი მის მიმართ ჩარლის სახელით." შემდეგ მან მოაწერა ხელი აკანკალებული ხელით და გარდაიცვალა.

სამოქალაქო ომი დამთავრდა და ჯარისკაცები დაბრუნდნენ სახლში.

ერთერთი მათგანი, დახეული ფორმით მიადგა მოსამართლის სახლს. ჯარისკაცი წააგავდა გლახაკს და მსახურებმა არ შეუშვეს სახლში. იგი დაელოდა მოსამართლის დაბრუნებას და როდესაც წარსდგა მის წინაშე და გაუწოდა ჭუჭყიანი ქაღალდის ნაგლეჯი, მოსამართლემ იფიქრა, რომ ესაა თხოვნა დახმარებისთვის და ხელით მოიშორა, მაგრამ ჯარისკაცმა ისევ მიიწია მოსამართლისკენ და ყურადღება მიაქცევინა ხელმოწერაზე. მაშინ პატივცემული მოსამართლე მოეხვია ჯარისკაცს, შეიყვანა სახლში და თვალცრემლიანმა უთხრა:

"შენ გექნება ყველაფერი, რაც შეეძლება ჩემს სიმდიდრეს და გავლენას." - ეს ქმნა მისი შვილის სახელმა.

__ იაკობ ლევენი __