Афанасий великий рече: иже хощет спастися, прежде всех подобает ему держати кафолическая (православная; с католицизмом не путать -- прим. Иванна) вера, ея же аще кто целы и непорочны не соблюдает, кроме всякаго недоумения, во веки погибнет. Вера ж кафолическая сия есть, да единаго бога в тройце, и
тройцу во единице почитаем ниже сливающе составы, ниже разделяюще существо: ин бо есть состав отечь, ин сыновень, ин -- святаго Духа; но отчее и сыновнее, и святго Духа едино Божество, равна слава, соприсущно величество; яков отец, таков сын, таков и дух святый; вечен отец, вечен сын, вечен дух святый. Не создан отец, не создан сын, не создан Дух святый; бог отец, бог сын, бог дух святый. Не три бози, но един бог. Не три несозданнии, но един несозданный, един вечныи.
Подобне:вседержитель отец, вседержитель сын, вседержитель и Дух святый. Равне: непостижим отец, непостижим сын, непостижим и дух святый.
Обаче не три вседержители, но един вседержитель, не три непостижими, но един непостижимый, един пресущный. И в сей святей Троице ничтоже первое или последнее, ничтоже более или менее, но целы три составы и соприсносущны суть себе и равны.
Особно бо есть отцу нерождение, сыну же рождение, а духу святому исхождение. Обще же им божество и царство.

Протопоп Аввакум.