***
Соотнесения собственной воли с Волей Божией - задается каждый человек, делающий какие-то первые шаги внутри Церкви. Уже знает про Волю и Промысл Божий... И вдруг уясняет, что и у него есть воля, и что нужно бороться со своеволием, и как-то уживаться своей воле с Волей Божией... Человеку может показаться, что, не окажись у него своей воли, все было бы проще, но вот он узнает, что почему-то Господь устроил именно так.
__ Павел Демидов __
__თემაზე წერდნენ__
***
ვინც სხეულს არ ავარჯიშებს, ისევე უვარგისია სხეულისმიერი შრომისთვის, ვით სულგაუწვრთნელი სულიერი მოღვაწეობისთვის, რადგან არ ძალუძს აკეთოს ის, რაც საჭიროა და თავი შეიკავოს იქ, სადაც თავდაჭერა მოეთხოვება.
__ქსენოფონტე__
***
აუცილებლად უნდა ვიცოდეთ უფლის ნება და, აგრეთვე ის, თუ რომელი საქმეა თავისი არსით კეთილზნეობრივი, უფლისათვის სათნო და რომელი - ცოდვა. ვინც ამის შეცნობას არ შეეცდება, სცოდავს უფლის წინაშე. გამოდის, რომ ვინც თავის თავს სიბნელესა და უმეცრებაში ამყოფებს, ორმაგად სცოდავს: იმით, რომ არ იცის უფლის ნება და იმითაც, რომ ყოველ ღონეს არა ხმარობს მის გასაგებად, ანუ, განგებ იმყოფებს თავს სიბნელეში.
__წმ.თეოფანე დაყუდებული__
***
თუკი ჩვენც ვინებებთ შევუერთოთ ჩვენი ნება ჩვენი უფლის ნებას, მაშინ გაგვიადვილდება არარად შევრაცხოთ ყოველივე ამქვეყნიური.
__ზოსიმე პალესტინელი__
***
ჭეშმარიტი სიხარული უფლისგან მოდის და მხოლოდ მას მიეცემა, ვინც საკუთარ თავს გამუდმებით აიძულებს, რომ თავისი ნება უარყოს და ღვთის ნება აღასრულოს.
__ანტონი დიდი__
***
ნება აღსრულდების, რა გული მართალი უძს კაცსა.
__სარგის თმოგველი__
***
ნება არის აღრჩევა ერთისა რასამე მრავალთა მათგან მოგონებათა კეთილთა კეთილისა, გინა ბოროტისა. ნებანი სამად განიყოფებიან: ერთი იგი ხორციელებრივი, რომელი - იგი ნაყროვანებისა განსვენებისა და გემოთმოყვარებისა, ხოლო მეორე საშუალ არს ერთისა მის უმაღლესი, ხოლო მეორისა ვერ სრულიად და წმიდად მისაწდომელ, ხოლო მესამისა სულიერად, რომელსა შორის სისრულე იხილვების სრულიად საღთოსა მოქალაქო ნებისა.
__სულხან-საბა__
***
ნებისყოფა, რაც შემეცნებას ესწრაფვის, დასრულებული საქმით არასოდეს კმაყოფილდება.
__ჯორდანო ბრუნო__
***
სინდისი პირველი და ხშირად უკანასკნელი ჯილდოა კეთილი საქმისთვის.
__ბუასტი__
***
ბატონი იყავ შენი ნებისა და ყმა შენი სინდისისა.
__ეშენბახი__
***
ზნეობა გონიერებაა გულისა.
__ჰაინე__
***
ბიბლია არის გაცხადება ღვთის ნების და ჩვენ მის მიხედვით უნდა დავუმორჩილოთ ჩვენი აზრები და ქცევები მის სიტყვას.
__ტ. ედვარდსი__
***
ჩვენი ჭკუა სულში ღრმადაა ჩამარხული, როგორც კაჟში ნაპერწკალი; იგი თავისით არ იჩენს თავს, თუ არავინ დააკვესა.
__რიუკერტი__
***
საკმარისია შევინარჩუნოთ ნება და გონიერება და თავის დროზე ყველა დაბრკოლება ძლეული იქნება.
__დოსტოევსკი__
***
არ არსებობს ფანტაზია, რომლის სინამდვილედ ქცევაც არ შეეძლოთ გონებასა და ნებისყოფას.
__მაქსიმ გორკი__
***
სული ანაყოფიერებს გონებას. მხოლოდ სული თესავს გონებაში მომავალი ქმნილების თესლს. დანარჩენს კი გონება აგვირგვინებს.
__ეკზიუპერი__
***
სულის სიმტკიცე იმდენად სუსტდება, რამდენადაც საკუთარ ხორცს ვემონებით.
__მაჰათმა განდი__
***
ნუ დავივიწყებთ, რომ ფიზიკური ძალა ისევე წარმავალია, ვით ჩვენი ხორცი. სულის სიმტკიცე კი მარადიულია, რადგან მარადიულია თვით სული.
__მაჰათმა განდი__
***
ნებას შვილდავს.
__გრიგოლ რობაქიძე__
***
დარბაისლურად თავი შეიკავა, გული დაუდო ნებას.
__გიორგი ლეონიძე__
***
სინდისის ხანასაც თავისი გარდატეხის ხანა აქვს.
__სტანისლავ ეჟი ლეცი__
***
კაცი თავისი თავის შინაგან საქმეთა მინისტრი უნდა იყოს.
__სტანისლავ ეჟი ლეცი__
***
საკანი სენაკს მაგონებს, პატიმარი - მეუდაბნოეს არანებაყოფლობითს. ასე განსაჯეთ, აქ იძულებით უნდა დაატყვევო საკუთარ თავში უსასრულო წყება სურვილებისა, სამშვინველისეული ქაოსის უმისამართო ენერგიით აღძრული, ლტოლვები, რომელთა დასადავება, გათოკვა და ჭკუაზე მოყვანა მეუდაბნოეთა, სოფლისგან განდგომილთა სანუკვარი მიზანია.
__მერაბ კოსტავა__
***
ჩვენი გონება, გრძნობები და სხეულის ყოველი ასო ცომი უნდა იყოს იმ სულის ნებისა, რომელიც ჩვენშია, ჩვენს სხეულში, სადაც ვხვდებით უფალს, და როგორც ღვთის სულია უხილავი, ასევე - ჩვენი სული, რომელსაც უნდა ვუმორჩილებდეთ როგორც ჩვენი სამშვინველის, ისე მისგან მოძრავი სხეულის ნებას.
__მირზა ბადიაური__
***
სინდისი დაფდაფებს ააგრიალებს, მის ხმაზე გონება აათრთოლებს გულს, ქვასა და რკინას შემოხსნის და გულიც თავის მხრივ სამოქმედოდ დასძრავს სხეულს კაცის სინდისისა და უფლის ნებისად.
__მირზა ბადიაური__